سوات پولیس کی بڑی کاروائی، ڈکیت گروپ گرفتار، 2ملزمان گرفتار

ڈکیت گروپ کے قبضے سے چھینی گئی 94000پاکستانی کرنسی برآمد

تفصیلات کے مطابق: مورخہ11-06-2021کو تھانہ بمقام پشمال علاقہ تھانہ بحرین، حدود تھانہ مدین اور حدود تھانہ چارباغ میں راہزنی کے واردات ہوئے تھے، جس میں صوبہ پنجاب، صوبہ سندھ سے آئے ہوئے سیاحوں کو نشانہ بنایا گیا تھا اور سیاحوں سے نقد رقم اور موبائل فونز چھین کر نامعلوم ملزمان جائے وقوعہ سے فرار ہو چکے تھے۔ 

 چاروں واقعات پولیس کے لئے کسی چیلنج سے کم نہیں تھے کیونکہ جہاں پر ڈکیتی کی واقعات رونما ہوئے تھے اُسی جگہ کوئی CCTVکیمرہ موجود نہیں تھا، اور سوات کے امن کو تباہ کرنے کی بھی ایک سازش ہو رہی تھی۔

 وقوعات کا نوٹس لیتے ہوئے ریجنل پولیس آفیسر عبد الغفور آفریدی، ڈسٹرکٹ پولیس آفیسر سوات دلاور خان بنگش نے فوری طور پر نامعلوم ملزمان کو ٹریس کرنے کے لئے ایس پی انوسٹی گیشن نذیر خان کے نگرانی میں جوائنٹ انوسٹی گیشن ٹیم تشکیل دی، انوسٹی گیشن ٹیم میں ایس پی آپر سوات درویشن خان، ڈی ایس پی سرکل خوازہ خیلہ اعجاز خان، ڈی ایس پی سرکل مدین فضل سبحان، ایس ایچ اُو تھانہ چارباغ، ایس ایچ اُو تھانہ بحرین، Oiiتھانہ چارباغ، Oiiتھانہ بحرین شامل تھے۔

 جوائنٹ انوسٹی گیشن ٹیم نے دن رات محنت کرکے جدید سائنسی خطوط کو بروئے کار لاتے ہوئے ڈکیت گروپ تک رسائی حاصل کی اور دو ملزمان کو گرفتار کر لیا جن کا تعلق افغانستان سے ہیں اور ایک بین الاضلاعی جرائم پیشہ گروپ ہیں جو دیگر غیر قانونی سرگرمیوں میں بھی ملوث ہیں، دوران تفتیش گرفتار ملزمان اسلم ولد محمد ابراہیم اور جاوید ولد خوگیانڑے ساکنان افغانستان حال شاہ گرام مدین کے قبضے سے چارباغ میں کئے گئے راہزنی کی رقم 54000/- اور تھانہ بحرین کے حدود میں راہزنی کی رقم 40000/- روپے برآمد کر لی۔ گرفتار ملزمان نے اپنے دیگر ساتھیوں کے بھی نشاندہی کی جن کے گرفتاری کے لئے بھر پور کوشش جاری ہیں جلد از جلد اُن کو بھی گرفتار کر لیا جائے گا۔ 

 سوات پولیس ضلع سوات میں امن و امان کے قیام کیلئے پر عزم ہیں۔ ضلع سوات کا امن خراب کرنے والوں کے خلاف بھر پور قانونی کاروائی کرینگے۔ 

 ترجمان سوات پولیس